Ikusi makusi by Pietro Marcello

urtarrilak 16, larunbata, 18:00etan Baztartxon: Martin Eden

martin eden cartel - Audiovisual451

sinopsia_ Martin Eden itsas gizon bezala lan egiten duen herriko mutil bat da. Egun batez Arthur Morse izeneko goi mailako mutil baten bizitza salbatzen du. Eskertzeko Arthurrek Martin bere etxera gonbidatzen du eta pixkanaka ikusitako bizimodua barneratzen saiatzen da Martin. Gazteak guzti hau idazle bihurtzeko aukera bezala ikusten du eta luxuan bizi izandako tarteak ahalik eta gehien baliatzen saiatzen da.

zuzendariaren hitzak_”Ezin nuen Jack Londonen lana egokitu eta Kaliforniara eraman, hori banekien. Kultura amerikarra ez da nirea, ez dagokit eta ondorioz ezingo nuke pelikula modu zintzoan egin. Horregatik istorioa Napolesen gertatzen da, ni han hazi nintzen. Guk ez daukagu Melville, Conrad edo Stevensonik… ez eta Atlantiko edo Pazifikorik; Mediterraneoagatik aldatzen ditugu, bainuontzi handiago bat”.

“Nire helburua XX.mende osoa zeharkatzea zen, zine herrikoiaren eta zine esperimetalaren arteko zubiak eraikiz. Nire zinema guztia Martin Edenen dago, ez dut inoiz hain desberdina den ezer egin. Baina ezingo nuke nire dokumentalista ibilbidea egin gabe halakorik egin”

“Kultura guztiontzako garapen tresna bat da baina garrantzitsua da baldin eta elkartruke bat ematen bada, partekatzen bada, transmisioa badago ematen da burujabetza. Soilik garrantzitsua da baldin eta gizakia erreskatatzeko balio badu, ez fetitxe bezala. Ez dut artean artea egiteagatik sinesten, artea tresna bat da baina artea guztiontzat. Comisso, italiar idazle batek, esaten zuen gizakiak besteei kalte egin diezaieke baldin eta arte lanetan ez badu sinesten. Arteak erreskatatzen gaitu, edertasuna salbu jartzen du, kultura”.

Sin categoría atalean publikatua | Iruzkin bat utzi

Ikusi makusi by Bustamante

abenduak 11, ostirala, 19:00etan Baztartxon: La Llorona

La Llorona

sinopsia_ “Hitz egiten baduzu hilko zaitut” entzunez hiltzen dituzte Alma eta bere seme-alabak Guatemalan. 30 urte beranduago Enriqueren aurkako epaia hasten da, genozidioaren buru izan zen erretiroa hartutako generala. Baina epaiketa baliogabekoa izendatzen dute eta bera absolbitu. Aldi berean La Llorona bizidunen artean errari abiatzen da.  

zuzendariaren hitzak_”Zinea egiten hasi nintzenean ez nuen militantzia sentimendu batengatik egin  baina hazi eta gizartea aztertu ahala, ezinezkoa egin zitzaidan Giza Eskubideen militantzia egiten ez zuen zine bat, guzti honen aurka borroka egiten duen herrialdean”. 

“Guatemala sistema totalitarioa bere osotasunean errespetatzen duen gizarte bat da, galderarik egiten ez duena eta bere ez jakiteaz harro dagoena. Lur emankorra da zigorgabetasunarentzat, ustelkeriarentzat, zapalketarentzat eta errealitate horrek iraun egiten du”. 

“Nik La Llorona-ren kontzeptua aldatu nahi nuen lanean hasi nintzenetik, esanahi misogino ikaragarria duelako. Gizon batek abandonatutako emakumea da; negarrez hasten da eta bere seme-alabak hiltzen ditu. Justizia bilatzen duen Llorona bat egin nahi genuen baina guztiz aldatu nahi nuen, nahiz eta ura bezalako elementu oso ederrak ere izan tartean”. 

Sin categoría atalean publikatua | Iruzkin bat utzi

Ikusi makusi by Kotevska & Stefanov

azaroak 21, larunbata, 19:00etan Baztartxon: Honeyland_Tamara Kotevska & Ljubomir Stefanov

Honeyland (2019) - Filmaffinity

sinopsia_ Europako azken emakume erle-biltzaileari buruzko dokumentala. Hatidze Mazedoniako herri txiki bateko berrogeitamar urte inguruko emakume bat da. Erle koloniak hazten ditu harkaitz artean ezkutatzen dituen eskuz egindako otarretan. Babes eta laguntzarik gabe gai da erleak mantsotu eta eztia jaso eta hiriburuan saltzeko. Guztia idilikoa da bat batean auzokide berriak kolonietatik gertu instalatzen diren arte, erleen eta bere bakeari enbarazu eginez.

zuzendariaren hitzak_

“Emakume hau ezagutzeak gure planak aldatu zituen. Hasieran Bregalnica ibaiko eskualdeari buruzko dokumental txiki bat egingo genuela suposatzen zen. Ibai hau interesgarria da hamar urtero bere ibilbide naturala aldatzen baitu eta inguruko herriak ibilbide horren arabera mugitzen baitira. Baserritar batzuekin harremanetan jarri ginen baina Hatidze ezagutu genuenean berarekin geratzea erabaki genuen bere istorioa kontatzea interesatzen baitzitzaigun. Mazedonian bizi den gutxiengo turko baten tradizioak jarraitzen dituen bizitza bati buruzko istorioa da: alaba gazteak bere gurasoen kargu egin behar du eta ezin du ezkondu ez eta bere familia propioa eduki bere gurasoak bizi diren artean.”

“Hasieratik pelikulak fikzioa eman zezan nahi genuen hala ez bazen ere. Gure buruan fikzioa eta dokumentalaren arteko mugak desagertu egin behar zuen; istorio on bat istorio on bat da. Ni gehiago ardaztu nintzen pertsonengan eta Ljubomir ingurugiroko gaietan. Giza istorioaren eta ingurugiro mezuaren arteko oreka perfektua mantentzea interesatzen zitzaigun. Ez genuen dokumental tipiko bat egin nahi, off ahotsekin, elkarrizketekin… Istorioaren alderdi dramatikoak garatzeko nahikoa material bageneukala ziur egon arte grabatzen jarraitzeko konpromesua hartu genuen.”

Sin categoría atalean publikatua | Iruzkin bat utzi

Ikusi makusi by Yinan

Pandemiak, Kabaretak, etxeratze aginduak… aldaketa ekarri dugute. Ostirala Larunbatera luzatu dugu oraingoan, zinemak asetzen jarrai gaitzan.

azaroak 7, larunbata, 19:30etan Baztartxon: Nan Fang Che Zhan De Ju Hui (El lago del ganso salvaje)_Diao Yinan

El lago del ganso salvaje - película: Ver online

Sinopsia_ Zhou Zenong espetxetik atera berri den gangster bat da. Gau horretan bertan iheslari bihurtuko da, banda-bilera bat gaizki amaitu eta polizia bat hiltzen denean. Zauriak sendatu bitartean ezkutatu nahian, Liu Aiai aurkituko du: laguntzeko edo diru kopuru handi samar baten truke Zhou polizia kapitainarengana eramateko bidalitako prostituta bat. Bandetatik eta itxuraz Wuhan hiri osoa hartu duen polizia-operaziotik ihes, neska arrotz horregatik eta atzean utzi duen familiarengatik zenbateraino sakrifikatzeko prest dagoen erabaki beharko du Zhouk.

zuzendariaren hitzak_Zuzendari independente bat izanda nire gairik pertsonalenak gauzak erraztuko zizkidan inbertsio baten beharrik gabe adiaraztea neukan. Presio askoz gutxiago sentitzen nuen, gazteago eta ausartago nintzen, noski. Orain gauzak aldatu egin dira. Nire papela ez da berdina, orain merkatu internazionalean pentsatu behar da, inbertsoreentzako sarietan.

Film honetan gizon guztiek heroi izatea amesten dute eta galbidetik altxatzen dira lortzeko, horregatik daude lotura oso estuak heroitasuna eta biolentziaren artean. Odoltsu, krudel eta erromantikoagatik. Gizonaren sinboloetako bat biolentzia menperatu eta maneiatzeko gaitasunean datza, bere oldarkortasuna bezala. Akzio biolentoekin ez duela flojeatzen erakusten du eta gorputz indartsu horrek bihotz samurra daukala goraipatzen du. Deuseztatzen dituen etsaiak heroi izatea eragozten dioten oztopoak dira.

Sin categoría atalean publikatua | Iruzkin bat utzi

Puntuazioak

Denboraldi berriari ekiteko aurrekoan egindakoa ere gogoratzea komeni.

2019-2020an, Covid-19aren ondorioz gure programazioa eten arte, proiektatutako fimen puntuazioa duzue segidan.

Denboraldi berriarekin hasi berriak gara. Aurtengo puntuazioak ere eskuragai izango dituzue gure sare sozialetan.

pelikulen puntuazioa, Sin categoría atalean publikatua | Iruzkin bat utzi

Bagatoz! 2020-2021 denboraldia

Etenaldiaren ondoren Baztartxoko zine proiekzioekin gatoz.

Gogotsu eta indartsu hasteko nahian lehendabiziko proiekzioa Iratxe Fresneda zinegilearen Lurralde Hotzak (2018) dokumentala izango da. Iratxe Fresneda bera etorriko da Baztartxora bere dokumentala aurkeztera. Behin dokumentala ikusi ondotik berarekin hitz egiteko aukera egongo da.

Honetaz gain proiekzio bakoitzaren ondotik ikusleek filmei emandako puntuazioa jasotzen jarraitzeko asmoa dugu, horretarako zine sarreran jarrita egongo den boto-kutxaren bidez.

2019-2020an jasotako puntuazioaren arabera, zinetogramzaleek gogokoen izan zuten filma Glittering Misfits izan zen (Iban del Campo, 2019). Rankingnean bigarren postuan Les Miserables (Ladj Ly, 2019) eta hirugarrenean Portrait de la jeune fille en feu (Céline Sciamma, 2019).

Zinea maite dugulako. Bizi dugun garaian ezinbestekoa delako. Egileen zinema aldarrikatzen dugulako. Emakume zuzendarien begirada partekatu nahi dugulako. Baztartxoko iluntasunera itzuli nahi dugulako bazterrean geratutako begiradek ere gurean lekua izan dezaten.

Has gaitezen bada!

Ikusi makusi

Urriak 9 ostirala, 22:00etan Baztartxon: Lurralde Hotzak_ Iratxe Fresneda

Lurralde hotzak - Oihaneder Euskararen Etxea

Sinopsia_Emakume baten bakarkako bidaia, bere kamera eta zinemako mamuak lagun hartuta. Ez fikziozko road-movie bat, zinemagilearen begirada erlezaintzarekin, arkitekturarekin eta iparraldeko argiarekin gurutzatzen dena. Denbora gelditu egiten da kamerak irudi aske eta errariak har ditzan.

Zuzendariaren hitzak_ “Gaur egun bizi dugun irudien gehiegikeriari buruz gogoetatu nahi nuen. Ikusleek igarriko dute tituluaren zergatia”.

“Aurrez egindako ikerketetatik abiatutako istorioak lantzen ditut ikus-entzunezkoetan. Hau da, gaur egun irudia nola erregistratzen dugun eta inguruan dugun ondarearekin zer-nolako harremana dugun azaltzeko proiektua abiatu nuen. Lurralde hotzak filmak oinarrian du Lars Von Trier zinema zuzendari daniarrari buruz egin nuen ikerketa. Izan ere, tesia egin nuen haren lanetan azaltzen diren emakumeak ardatz hartuta, eta orduan aurkitutako elementu eta tokiekin sortu dut filma”.

“ Oro har, gaur egungo irudien gehiegikeria aztertu nahi nuen: irudien absolutismoa agerian utzi. Munduari begiratzeko era bat desagertzen ari da. Zabor irudiz inguratuta gaude, eta ez gara konturatzen irudia bera estaltzen ari garela. Zabor asko sortzen dugu egunero, eta gogoeta egin nahi nuen hori abiapuntu hartuta: hausnartu nahi nuen nola pentsatzen ditugun irudiak gaur egun, eta nola pentsatzen zituzten lehen. Izugarria da aztertzea zein azkar alboratzen dugun ondare zoragarria zaborra diren irudiengatik”.

“Lurralde hotzak filmak geruza asko ditu. Askatasuna bilatzen dut nire lanetan, eta horregatik ez dut pelikula itxi bat egin. Areago, esango nuke film asko daudela film honen barruan: memoria historikoaren eremutik igarotzen naiz, eta baita Euskal Herriko emakume sortzaileen eta Eskandinaviakoen ondaretik ere. Horregatik, Road movie formatua aukeratu dut hari edo gidari gisa. Baina ikusle bakoitzak bere bidaia egin dezan nahi dut”.

“ Errepide bat dago, kontakizun nagusiarena, eta mundua begirada hegemoniko batetik erakutsi digutenek besterik ez dute bidaiatzen bide horretatik. Baina badaude autobide nagusitik aldentzen direnak ere: mundua bestelako istorio eta begirada batzuen bitartez erakusten dutenak, eta mundua beste era batean pentsatzen dutenak. Horien bila aritzen naiz, eta saiatzen naiz lehen mailara ekartzen. Nire helburua hori ere bada, kontakizuna poliedriko izan dadin bultzatzea”.

Sin categoría atalean publikatua | Iruzkin bat utzi

Ikusi makusi by Ly

Martxoak 6 ostirala, 22:00 Baztartxon: Les misérables_Ladj Ly

Les misérables
zuzendaria: Ladj Ly // argazkia: Julien Poupard // aktoreak: Damien Bonnard, Alexis Manenti, Djibril Zonga, Jeanne Balibar, Steve Tientcheu, Issa Perica // gidoia: Ladj Ly, Giordano Gederlini, Alexis Manenti // ekoizpena: Lily Films / Rectangle Productions / Srab Films / Canal+ / Le Pacte / Ciné+ / Wild Bunch // Frantzia/2019/102′) sinopsia_ Stéphanek delinkuentziaren aurkako brigadarekin bat egin berri du Montfermeilen, Parisko aldirietako ekialdeko auzo batean, eta laster auzoko taldeen arteko tentsioen berri izango du. Zuzendariaren hitzak_ “Komedia bat egin izan banu ez zen arazorik izango. Baina Frantzian aldiriak aipatzea tabua da. Ez da inoren gustukoa erakustea eta gutxiago nik egin dudan moduan”. “Benetan, terroristak ez dira guk terroristatzat hartzen ditugunak, klase politikoa eta komunikabideak baizik. Egoera auzoen barruan iraultzeko eta beraien jendea biktima bakarra izateko sua pizten dutenak dira”. “ Marjinazioa sarri kanpotik etorritako zinemagileek kontatu izan dute eta modu manipulatuan kontatzen dute gainera. Nik neuk kontatu nahi izan dut istorio hau, klitxeetan ez erortzeko, pelikula justu bat egiteko. Ez naiz posizionatzen, ez ditut nire pertsonaiak epaitzen, ez dut polizien aurkako pelikula bat egin. Ez dut pertsonaia islamiko gehiegi ateratzerik ere nahi izan ikusle askok terrrorismoa bezalako aurreiritziak dituelako. Komunikabideek eta politikoek beraien diskurtsoak klitxe hauetan oinarritzen dituzten bitartean, banlieutako bizitzak zaila izaten jarraituko du. Errealitate faltsu bat kontatzen da”.    
ikusi makusi atalean publikatua | Iruzkin bat utzi

Ikusi makusi by Sciamma

Otsailak 21 ostirala, 22:00 Baztartxon: Portrait de la jeune fille en feu_Céline Sciamma

Glittering Misfits
zuzendaria: Céline Sciamma // argazkia: Claire Mathon // aktoreak: Adèle Haenel, Noémie Merlant, Valeria Golino// gidoia: Céline Sciamma // ekoizpena: Lilies Films / Bénédicte Couvreur // Frantzia/2019/119′) sinopsia_ Frantziako Bretainia, 1770. Mariannek Héloïseren ezkontza-erretratua margotu beharko du neskak komentua utzi eta gutxira. Héloïsek ez du onartuko halabeharrez ezkondu behar duenik, eta erretraturako paratzeari uko egingo dio. Beraz, Mariannek ezkutuan lan egin beharko du. Horretarako, konpainiako damatzat aurkeztuko da, hala egunez begiratu eta gauez margotzeko. Héloïsek ezkondu aurretik dituen azken askatasun-uneak elkarrekin eman ahala, gero eta biziagoa bihurtuko da haien arteko harremana.    
ikusi makusi atalean publikatua | Iruzkin bat utzi

Ikusi makusi by del Campo

Urtarrilak 31 ostirala, 22:00 Baztartxon: Glittering Misfits_Iban Del Campo

Glittering Misfits
zuzendaria: Iban del Campo // argazkia: Iban del Campo // aktoreak: Dirty Martini, Tigger! // gidoia: Iban del Campo // ekoizpena: Limbus Filmak / Iban del Campo // Euskalherria-EEBB/2019/74′) sinopsia_ Dirty Martinik eta Tigger!ek, New Yorkeko undergroundaren izarrek, beren probokaziozko eta erreibindikaziozko adierazpide artistikoen sekretuetako batzuk azalduko dizkigute New Yorkeko Off-Off-Broadway eszenako night-club eta kabaretetan. Aldi berean, beren eguneroko intimitatetik, ulertaraziko digute zer borrokari, zer gakori eta zer arrazoiri esker diren oraindik neo-burlesque fenomenoaren figurak eta erreferenteak, joera horrek 90eko hamarkadan New Yorken eztanda egin zuenetik 20 urte igaro direnean.
ikusi makusi atalean publikatua | Iruzkin bat utzi

Ikusi Makusi by Guzmán

Urtarrilak 10 ostirala, 22:00 Baztartxon: La cordillera de los sueños_Patricio Guzmán

O que arde

zuzendaria: Patricio Guzmán // argazkia: Samuel Lahu // aktoreak: Dokumentala // gidoia: Patricio Guzmán  // ekoizpena: Arte / Atacama Productions // Frantzia-Txile/2019/85′)

sinopsia_ “Txilen, eguzkia ateratzen denean, muino, harresi eta gailurrak eskalatu behar dira mendikatearen azken harrira iritsi aurretik. Nire herrialdean, nonahi dago mendikatea. Baina txiletarrontzat lurralde ezezaguna da. Iparraldean Nostalgia de la luz eta Hegoaldean El botón de nácar egin ondoren, uste dut orain prest nagoela bizkarrezur izugarri hori filmatzeko, eta gordetzen dituen misterioak, Txileren iraganari eta orainari buruz ager ditzakeen azalpen indartsuak, arakatzeko” (Patricio Guzmán). Cannesko zinema-jaialdiko dokumental onenaren L’Oeil d’Or saria.

Sin categoría atalean publikatua | Iruzkin bat utzi